အောက်တိုဘာလ ၁၀ ရက်ဟာ ကမ္ဘာ့စိတ်ကျန်းမာရေးနေ့ (𝐖𝐨𝐫𝐥𝐝 𝐌𝐞𝐧𝐭𝐚𝐥 𝐇𝐞𝐚𝐥𝐭𝐡 𝐃𝐚𝐲) လေးပဲဖြစ်ပါတယ်ရှင့်။
ဒီနှစ်ရဲ့ ဆောင်ပုဒ်ဖြစ်တဲ့ “𝐂𝐨𝐦𝐦𝐮𝐧𝐢𝐭𝐲: 𝐒𝐮𝐩𝐩𝐨𝐫𝐭𝐢𝐧𝐠 𝐌𝐞𝐧𝐭𝐚𝐥 𝐖𝐞𝐥𝐥𝐛𝐞𝐢𝐧𝐠 𝐓𝐨𝐠𝐞𝐭𝐡𝐞𝐫” ( လူမှုအဖွဲ့အစည်း- စိတ်ကျန်းမာရေး ကောင်းမွန်အောင် အတူတကွ ပံ့ပိုးကြပါစို့) နဲ့အညီ လူတစ်ဉီးနဲ့တစ်ဉီး တန်ဖိုးထားလေးစားမှုနဲ့ အချင်းချင်း ရိုင်းပင်းကူညီပေးတတ်တဲ့ လူမှုအသိုင်းအဝိုင်းကြောင့် တစ်ယောက်တည်းမဟုတ်ဘူးဆိုတဲ့ စိတ်ခံစားချက်ကို ပေးစွမ်းနိုင်ပြီး လူသားတွေရဲ့ စိတ်ကျန်းမာရေးအခြေအနေကို တိုးတက်စေနိုင်တဲ့ ကဏ္ဍကို မီးမောင်းထိုးပြထားပါတယ်ရှင့်။
နှစ်စဉ်ကျင်းပရတဲ့ ရည်ရွယ်ချက်လေးကတော့
– စိတ်ကျန်းမာရေးဆိုင်ရာ ပြဿနာတွေနဲ့ပတ်သက်ပြီး အများပြည်သူရဲ့ အသိပညာကို မြှင့်တင်ဖို့။
– စိတ်ကျန်းမာရေး ပံ့ပိုးမှုတွေ၊ ကုသမှုတွေနဲ့ ဝန်ဆောင်မှုတွေကို ပိုမိုလက်လှမ်းမီနိုင်အောင် တိုက်တွန်းဖို့။
– အစိုးရများနဲ့ အဖွဲ့အစည်းများက စိတ်ကျန်းမာရေးဆိုင်ရာ မူဝါဒကောင်းတွေ ချမှတ်ဖို့နဲ့ ရင်းနှီးမြှုပ်နှံမှုတွေ လုပ်ဖို့ တိုက်တွန်းအားပေးဖို့အတွက်ပဲ ဖြစ်ပါတယ်ရှင့်။
“စိတ်ချမ်းသာမှ ကိုယ်ကျန်းမာမယ်” ဆိုတဲ့အတိုင်းပါပဲ။ ကျွန်မတို့အနေနဲ့ စိတ်ချမ်းသာပြီး ပျော်ရွှင်ရတဲ့ လူမှုပတ်ဝန်းကျင်ကို တန်ဖိုးထားကြပါတယ်။ ကိုယ့်ရဲ့စကားကြောင့်ဖြစ်စေ အပြုအမူကြောင့်ဖြစ်စေ တခြားလူရဲ့စိတ်ကို ထိခိုက်စေနိုင်တယ်ဆိုရင် အတတ်နိုင်ဆုံး မပြောမိတာ၊ မလုပ်မိတာ အကောင်းဆုံးပါပဲ။
ဒါ့ကြောင့် မိမိဘေးပတ်ဝန်းကျင်ကသူတွေရော မိမိကိုယ်တိုင်ကပါ စိတ်ချမ်းသာပြီး အမြဲပျော်ရွှင်နိုင်ဖို့ တစ်ဉီးနဲ့တစ်ဉီး နားလည်စာနာမှုတွေနဲ့ ဘဝကိုရှေ့ဆက်ကြဖို့ တိုက်တွန်းအပ်ပါတယ်ရှင့်။
