💗 𝐇𝐚𝐩𝐩𝐲 𝐖𝐨𝐫𝐥𝐝 𝐁𝐫𝐞𝐚𝐬𝐭𝐟𝐞𝐞𝐝𝐢𝐧𝐠 𝐖𝐞𝐞𝐤 ပါ မေမေတို့ရေ။ 💗
ကမ္ဘာ့မိခင်နို့တိုက်ကျွေးရေးရက်သတ္တပတ်ကိုနှစ်စဉ် သြဂုတ်လ ၁ ရက်မှ ၇ ရက်အထိ ကျင်းပလေ့ရှိပါတယ်။
၁၉၉၂ ခုနှစ်မှာ 𝐖𝐀𝐁𝐀 (𝐖𝐨𝐫𝐥𝐝 𝐀𝐥𝐥𝐢𝐚𝐧𝐜𝐞 𝐟𝐨𝐫 𝐁𝐫𝐞𝐚𝐬𝐭𝐟𝐞𝐞𝐝𝐢𝐧𝐠 𝐀𝐜𝐭𝐢𝐨𝐧)၊ ကမ္ဘာ့ကျန်းမာရေးအဖွဲ့ (𝐖𝐇𝐎)၊ ယူနီဆက်ဖ် (𝐔𝐍𝐈𝐂𝐄𝐅) တို့မှပူးပေါင်းပြီး ပထမဆုံးစတင်ကျင်းပခဲ့ပါတယ်။
ကျင်းပရတဲ့ရည်ရွယ်ချက်များကတော့
မိခင်နို့သည် ကလေးအတွက် အကောင်းဆုံးအာဟာရ ဖြစ်ကြောင်း ပညာပေးရန်။
မိခင်နို့တိုက်ကျွေးရန် အခက်အခဲများ (ဥပမာ – အလုပ်ခွင်၊ လူမှုရှုထောင့်) ကို ဖြေရှင်းရန်။
မိခင်နို့တိုက်ကျွေးခြင်း၏ အကျိုးကျေးဇူးများ ကို မျှဝေရန်။ စတဲ့ရည်ရွယ်ချက်တွေနဲ့အကောင်ထည်ဖော်လုပ်ဆောင်ခဲ့ခြင်းဖြစ်ပါတယ်။
မိခင်နို့ချိုတိုက်ကျွေးခြင်းသည် ရင်သွေးငယ်လေးများအားလုံးရဲ့ ဘဝအတွက် အကောင်းဆုံး အစပျိုးခြင်းပင် ဖြစ်ပါတယ်။ မိခင်၏နို့ရည်သည် ရင်သွေးငယ်များအား ကျန်းမာစေရုံသာမက အာဟာရဓါတ်ပြည့်ဝစေသည့်အပြင် မိခင်ရော ကလေးငယ်အတွက်ပါ စိတ်ခံစားမှုဆိုင်ရာ အကျိုးကျေးဇူးများကို ရရှိစေပါတယ်။ သဘာဝအလျောက် မိခင်နို့ရည်တိုက်ကျွေးရခြင်းသည် လွယ်ကူလှသည်တော့ မဟုတ်ပါ။ မိခင်များအနေဖြင့် ရင်သွေးငယ်များအား နို့ချိုစတင်တိုက်ကျွေးချိန်မှစ၍ ရေရှည်ဆက်လက် တိုက်ကျွေးနိုင်ရေးအတွက် ကူညီထောက်ပံ့မှုများ လိုအပ်ပါတယ်။
မိခင်နို့သည် ကလေးငယ်များအတွက် အကောင်းဆုံးအားဆေး ဖြစ်ပါတယ်။ ဒါ့ကြောင့် မိခင်နို့တိုက်ကျွေးခြင်းဖြင့် ကျန်းမာသန်စွမ်းသော အနာဂတ်ကို ပုံဖော်ကြပါစို့။ 💛