🩸HIV ပိုး ရှိသူတွေထဲက ၇ ယောက်မှာ ၁ ယောက်က စနစ်တကျသွေးမစစ်တဲ့အတွက်သူ့ကိုယ်သူပိုးရှိနေမှန်း မသိကြပါဘူး။

🦠ကိုယ့်ကိုယ်ကို ပိုးကူးစက်ခံထားရတာကိုမသိတဲ့အခါ
အခြားသူတွေကို ပိုးကူးစက်ခြင်းမှ ကာကွယ်နိုင်မှုအားလျော့နည်းသလို ပိုးရှိနေပြီး ART ဆေးကုသမှုမရရှိတဲ့အတွက် ၂ နှစ်ကနေ ၁၀ နှစ်အတွင်း ခုခံအားကျဆင်းပျက်စီးကာ AIDS ရောဂါတွေဖြစ်လာပြီး အသက်အန္တရယ်ဆုံးရှုံးရနိုင်ပါတယ်။

✅သွေးစစ်လို့ HIV ရှိတယ်ဆိုတဲ့အဖြေရခဲ့တဲ့အခါ ART ဆေးကုသမှုအား စောစီးစွာခံယူပါက ပုံမှန်လူတွေအတိုင်း ကျန်းကျန်းမာမာနဲ့ အသက်ရှင်နေထိုင်နိုင်မှာပါ။

ဒါကြောင့် HIV ကူးစက်နိုင်တဲ့အန္တရယ်တွေနဲ့ထိတွေ့မှုရှိခဲ့ရင် စနစ်တကျသွေးစစ်ဆေးသင့်ပါတယ်။

UNAIDS မှ ထုတ်ပြန်ထားသော 2021 စစ်တမ်းများအရ မြန်မာနိုင်ငံတွင် HIV ပိုးကူးစက်ခံနေရသူဦးရေ ၂၇၀,၀၀၀ ခန့်ရှိကြောင်း သိရပါတယ်။

HIV ပိုးကူးစက်မှုမှ ကင်းဝေးစေရန် ကြိုတင်ကာကွယ်မှုများပြုလုပ်ဖို့ အရေးကြီးဆုံးဖြစ်ပါတယ်။

ဒါကြောင့် HIV ကူးစက်မှုကို ကာကွယ်နိုင်ဖို့
၁။ လိင်ကိစ္စ အပျော်အပါး လိုက်စားတာကို ရှောင်ကြဉ်ခြင်း။
၂။ မရှောင်နိုင်ရင် အကာအကွယ်ပစ္စည်း (ကွန်ဒုံး) စနစ်တကျ သုံးစွဲခြင်း။
၃။ မူးယစ်ဆေးဝါး ရှောင်ကြဉ်ခြင်း။
၄။ တစ်ခါသုံးဆေးထိုးအပ်သုံးခြင်း။
၅။ ပုံမှန်ကျန်းမားရေးစစ်ဆေးခြင်း။
စသည့်အလေ့အကျင့်များကို လိုက်နာကျင့်သုံးရန်လိုအပ်ပါတယ်။

မိမိကိုယ်တိုင်လည်း HIV ပိုး ကူးစက် မခံရအောင် ဂရုစိုက်နေပြီး HIV ပိုးကူးစက်ခံနေရသူများအားလည်း တန်းတူညီမျှပေါင်းသင်းကူညီခြင်းဖြင့် ခုခံအားကျဆင်းမှုကူးစက်ရောဂါကူးစက်မှုတိုက်ဖျက်နိုင်ပါကြောင်း အသိပညာပေးလိုက်ပါတယ်။